15日後....大學生活正式完結.又擔心,又期待.

近期都在回想在詩班的這些日子.

又辛苦,又有埋怨,但也有享受的一刻.

真的,3個星期前我都重埋怨緊...為什麼我的生日無詩班的人同我興祝,我爸爸有事又無人知的.

好辛苦,好唔想返去..就算件事完左,都重有條刺.

上星期同弟兄傾到詩班的得著..我講左句:"好似得到好多,但我的興趣不在這裡,好似無乜value."

還記得一次上帝在崇拜中叫我去開詩班,我將件事同弟兄分享,我話我真係好無力去做呢件事.

結果我得到一個新名"約拿"..他是一個聖經中的先知,因知道上帝的指意但唔想行,上帝叫佢行東,佢就行左去西.最後俾條大魚吞左,然後大魚將約拿吐出.約拿最後也到了東邊.

我自問都有做事奉,在教會中都算活躍...點解重要我百上加斤呢?加上自己真係好唔想開....

但.....事奉不是我們想先去做的.上帝的呼召更是你不想也可能要做..

點先知道這是上帝對你的呼召?...我係今次事件上發現了一些特徵.

呼召...即是上帝叫你去做,而係為上帝去做的.不是為自己的.

若然這是一個呼召,應該會有以下2個特點.[只屬個人經驗分享]

1. 腦海中的計劃...

呼召和夢想不同,夢想是由自己去一步步計劃的.但呼召卻是上帝直接將個計劃和完成的圖像交俾你.當中你要做的...係參與,行動...計劃和方向都是根據上帝的旨示.計劃未必係好完整,但最主要的都會係"登"一聲係你腦海中出現晒.而最得意的係...當你有唔明白,唔識做的時候,你去問上帝,佢會回應得好快...上帝會唔會呼召人去發達呢?呢個唔係話唔可以,但就算個人發左達,d錢都係上帝的,你唔可能自己用.

2. 聖靈的鼓動...

得到呼召時最特別的地方係...你會得到聖靈從心中作回應.有好多人都會問"點先知唔係自己同自己講野呢?"最重點就係...回應一定有聖經的經文內容..我有好幾次神蹟一樣的經歷,都係聽到上帝的靈以經文係心中作回應...明顯的,聖經是上帝的話,所以佢用聖經,讓你知道真係佢同你講緊.

被上帝呼召和挑選是一個榮幸,當然也有難行的時候...若然你真係無力去行落去,放棄也不是不能的.但..要記得呼召係特別的,同你普通做事奉唔同,呼召的工作一定係你能夠完成的.如果你選擇唔做,他自會有佢的方法去令件事完成.如果只有你先可以做,自會令你唔做唔得.但多數情況係,你放棄他自然會安排第二個人去做..而,完成後的賞賜自然也是由完成的人去得到.

若然你都有同類的經歷,歡迎在這裡分享一下.